?

Log in

No account? Create an account

Օգոստոսի 2-11-ը մի նախագծի շրջանակներում մի խումբ հայերի հետ Ավստրիայում էի: 8 օր անցկացրեցի Քյոչախ Մաութեն ավանում, որը գտնվում է Ավստրիայի ծայր հարավում, Իտալիայի հետ սահմանից (Փլյոքեն լեռնանցքից) 10 կմ հյուսիս, մայրաքաղաք Վիեննայից 420 կմ հեռավորության վրա: Վերջին օրը Վիեննայում կարճաժամկետ իջևանելու հետ մեկտեղ հասցրեցի նաև երկու թանգարան այցելել և մի փոքր շրջել քաղաքում:


Օդանավակայանից ...Collapse )

Մի կիրակի Զուարում

Զուարը (հին ձևով` Զվար/Զւար) գյուղ է Արցախ նահանգի Վայկունիք գավառում, ժամանակակից Արցախի հյուսիս-արևմուտքում, Զվարաց լեռներից հյուսիս-հյուսիս-արևելք, Զվարագետի և Դուտխվի միախառնման վայրում: Գյուղը վերահիմնադրվել է 1997 թվականին: Զուարում ապրում է մոտ 120 մարդ։ Գյուղից ոչ շատ հեռու կա ջերմուկ: Գյուղում 2010 թվականին նախկին քրդական կաթսայատան շենքում բացվել է «Մուշ» պատկերասրահը, որտեղ պահվում են Հայաստանի նկարիչների միության մի քանի անդամների, ինչպես նաև անհատ նվիրատուների աշխատություններ:

Հունիսի 16-ին Թամարի (armtheatre) ու քարվաճառցի մի քանի երեխաների հետ գնացինք Զուարի պատկերասրահ:

Նկարներ, շատ նկարներCollapse )

1[-ին] անգամ Վրաստանում

Էջմիածնեցվոց Սուրբ Գևորգ եկեղեցին

Շատ հայաստանցիների համար Վրաստանն ամառային արտագնա հանգստի գլխավոր ուղղությունն է: Օգոստոսի 1-ին Թամարիս հետ Վանաձորից ուղևորվեցինք Թբիլիսի` կարճատև հանգստի: Ինձ համար դա առաջին այցն էր Վրաստան:

Երբ ասում են, թե Հայաստանը շատ բաներ ունի սովորելու Վրաստանից` ճիշտ են. Վրաստանից կարելի է սովորել ինչպես չանել և ինչպես անել շատ բաներ: Վրաստանը և վրաստանցիներն ունեն իրենց հետաքրքիր առանձնահատկությունները, որոնց մասին կխոսեմ այս գրառման մեջ:

Եվ այսպես...Collapse )

Սուրբ Աստվածածին վանք

Արցախի Քարվաճառի շրջանում, շրջկենտրոն Քարվաճառից 26 կմ հյուսիս-արևելք, Տրտու (Թարթառ) և Իրիցաջուր գետերի միախառնման վայրի մոտ գտնվում է Սուրբ Աստվածածին վանքը (նաև` Կուսանաց, Կուսանոց): Եկեղեցին կառուցվել է 12-13-րդ դարերում, սակայն մինչև 17-րդ դարը վանական համալիրում կատարվել են կառուցապատման աշխատանքներ: Խորհրդային տարիներին վանական համալիրը ներկայացվել է որպես աղվանական: Ուշ 1980-ականներին կամ վաղ 1990-ականներին վանական համալիրն ավերվել է:












Նայեցի (ու վերանայեցի) «Օտար»-ի բոլոր մասերը` ժամանակագրական հաջորդականությամբ («Պրոմեթեւս» (2012), [երկու նախաբան-թրեյլերներ], «Օտար. Ուխտ» (2017), «Օտար» (1979), «Օտարներ» (1986), «Օտար 3» (1992) և «Օտար. Հարություն» (1997)): Նախօրոք ասեմ` պրիքվելները, իմ կարծիքով, շատ թույլ են ստացվել:

Ինչն ա շատ` սփոյլերըCollapse )


#ԲՈԼԱ

Արցախի նախագահ Բակո Սահակյանը նախաձեռնել է սահմանադրության փոփոխություն, ինչը, ըստ էության, նրան թույլ կտա Արցախում անընդմեջ նախագահ մնալ մինչև 70 տարեկանը: Բացի այդ` նոր սամանադրությամբ նախագահի լիազորությունները չափազանց ընդարձակվում են:
Արցախում սկսվել է հասարակական շարժում, որը դեմ է սահմանադրության փոփոխություններին: Շարժման գլխավոր կարգախոսն է` «ԲՈ՛Լ Ա»: Շարժման խորհրդանիշն է հետադարձն արգելող նշանը, որը խորհրդանշում է դժգոհությունը Բակո Սահակյանի` նախագահի պաշտոնում ևս 13 տարի մնալու ցանկությամբ:



Եեչիզմի պաթոլոգիա

Մարիան Կամենսկի - Դեկադենտություն

Այս Ամանորը ֆեյսբուքում նշանավորվեց հայուգենի շուրջ կատաղի բ̶ա̶խ̶ո̶ւ̶մ̶ն̶ե̶ր̶ո̶վ̶ քննարկումներով: Հետաքրքիր է, որ հայի գենի (էդ ո՞րն ա) ամենամոլի պաշտպանները սփյուռքի հայերն էին և նրանք, ովքեր հայերի ծագումնաբանությունն աներկբայորեն կապում են անստույգ ծագում ունեցող շումերների և/կամ ինչ-որ առասպելական խտոնիկ արարածների հետ: Իհարկե` ֆբ-ն հասարակության հայելին չէ, բայց և հարմար է հասարակական տրամադրություններն ինչ-որ չափով հասկանալու համար:

Այժմ, երբ ֆեյսբուքյան թնդանոթները լռել են, փորձենք հետհայացք ուղղել այս ամենին և փորձենք հասկանալ, թե որտեղ են թաղված այդ ամենի արմատները:

Շիլաշփոթի գլխավոր պատճառներից մեկը «մեր փեսա»-յի թուխ մաշկն էր: Օրինակ` որոշ «բազմաֆոլոուեր» օգտատերեր որպես հայուգենի որակական հատկանիշ ներկայացնում էին խարտյաշ և շեկ երեխաների պատկերներ, որոշները հասան նույնիսկ կենդանիների հետ համեմատության: Այսինքն` խնդիրը ոչ թե խառնամուսնությունն է որպես այդպիսին, այլ` խառնամուսնությունը «ցածրագույն» ռասայի ներկայացուցչի հետ: Այ, օրինակ` «եվրոպացի» կամ «պարթև» (այս անվանումները հայերենում որոշակի երանգ են ստացել) գեները մեզ հեչ չեն խանգարում, Տրդատը վկա: Փոխարենը, երբ խառնազգի [ծագումով] հայն ինչ-որ երկրում հաջողության է հասնում, բոլորը հիշում են, որ նրա տատի պապը հայ է եղել (Դավիթ Յանը, Հյուզ եղբայրները, Դավիդ Նալբանդյանը ևն ևն): Մյուս կողմից` մենք հպարտանում ենք Սերգեյ Բոնդարենկոյով, Ֆաինա Մելնիկով, Սերգեյ Մերկուրովով, ինչու ոչ` Dead Հասանով:

Սակայն, այդ խնդիրն ավելի խորքային է, քան ուղղակի հայ-չհայը:

Կարել Չապեկն ասում էր`Collapse )

Նվերը


Եկել է տարին ամփոփելու ժամանակը: 2016-ը ծանր տարի էր բոլորի համար, կորուստներով լի: Կորուստներից բացի եղան նաեւ ձեռքբերումներ: Անցած տարվա իմ ամենամեծ նվերներից մեկն ինձ արեց իմ աշակերտ Նվերը (կյանքի հումորի զգացումը լավն է, չէ՞):

Նվերն այն աշակերտներից էր, ով լավ վարքով չէր փայլում, սովորելու հետ էլ առանձնապես սեր չուներ: Նրանց դասարանն ինձ անցավ 2 տարի առաջ: Այդ ընթացքում ես կարողացա նրա մեջ ինչ-որ կայծ վառել եւ 2 տարի անընդմեջ նա դարձավ իրենց դասարանի լավագույն աշակերտը: Արդեն ձեւավորված ավանդույթի համաձայն ես իմ դասավանդած դասարանների ամենալավ աշակերտներին ամեն ուս.տարվա վերջում գիրք եմ նվիրում: Նախանցած տարի նա ստացավ Ջեյմս Ֆենիմոր Կուպերի «Լրտեսը» գիրքը, իսկ անցած տարի` Ջեք Լինդսեյի «Հաննիբալ»-ը: Եվ ահա` սեպտեմբերին նա ինձ ասաց, որ «Լրտեսը» իրեն շատ ավելի դուր է եկել որպես գեղարվեստական եւ պատմական վեպ քան «Հաննիբալ»-ը եւ վերլուծելով ներկայացրեց երկուսն էլ: Մի բան, որ ցավոք իմ շրջապատի շատ դիպլոմավորներ չեն կարող անել: Իմ ոգեւորությանն այդ պահին չափ չկար: Եւ հենց նման դեպքերն ու նման երեխաներն են, որ չեն թողնում, որ իմ ավյունը եւ հավատը թողնեն ինձ:

Շնորհավոր Ամանոր եւ Սուրբ Ծնունդ, թող մյուս տարում ձեր բոլոր նպատակներն իրականանան:

Latest Month

September 2019
S M T W T F S
1234567
891011121314
15161718192021
22232425262728
2930     

Tags

Syndicate

RSS Atom










free counters



Powered by LiveJournal.com
Designed by Lilia Ahner